Ko e mahu’inga ‘o e ta’ovala ki he Tonga ‘oku ‘ikai to e ‘eke’i pea mei he fakakaukau koia ne fakahoko ai ‘i he Uike Lea Faka-Tonga ‘o e ta’u ni ‘a hono faka’ali’ali ‘o e ngaahi ta’ovala. Ne fakaholomamata ‘aupito he ne faka’ali’ali ‘e he ngaahi kalasi ‘a e ngaahi ta’ovala kehekehe hangē ko e lōkeha, ta’ovala putu, ta’ovala mali, ta’ovala fau, ta’ovala kie, ta’ovala niti pea mo e ngaahi ta’ovala kehe pē. Kaekehe ne  fili ai ‘e he fanau kalasi 7 mo e 8 ke nau faka’ali’ali ‘a e ta’ovala koia ‘oku fa’a ngāue’aki ‘e kinautolu ‘oku nau fa’ēhuki.

Ko Manatu’ofa he Vahafolau Mila na’a ne fakahoko ‘a e fakamatala kimu’a pea toki fakahoko ‘enau faka’ali’ali pea ko ‘eni ‘a ‘ene fakamatala:

Ko e fa’ee huki mo hono mahu’inga ‘oku ‘ikai fakatataua ‘I he anga ‘o ‘eta nofo fakatonga. ‘Io he ‘oku mahino ‘o e tu’unga ‘a ha katoanga he ‘I he ‘eku ‘I ai ‘o hoko ko e fa’ee huki. Ko au ‘a e taha ‘o e ngaahi fami’I fa’ee ‘a e tokotaha ‘oku ‘a’ana ‘a e katoanga.‘Oku ou koloa’ia he talangofua ‘a ‘eku tama ‘o ne a’usia ai ‘a e makamaile ‘o ‘ene mo’ui. ‘Io te u faka’apa’apa kiate ia ‘o u fakalangilangi’I ia he ‘aho mahu’inga ni.Ko ia ai ko e teunga ‘oku ou tui ni ko ‘eku fakamo’oni ia ki he taha kotoa ko ‘eku tama ni ko e siueli ‘ohoku lotofale ni.Pea ‘oku ou polepole he tauhi kuo u fakahoko pea mo ‘ene talangofua.

Ko e ni’ihi eni e ngaahi ‘ata pea mei he ngaahi ta’ovala koia

Screen Shot 2017-10-11 at 10.01.53 PM Screen Shot 2017-10-11 at 10.01.38 PM Screen Shot 2017-10-11 at 10.01.26 PM Screen Shot 2017-10-11 at 10.01.00 PM Screen Shot 2017-10-11 at 10.00.38 PM Screen Shot 2017-10-11 at 9.59.50 PM