Rumaki Reo Unit
E nga mana, e nga reo, e nga matāwaka! Tena koutou, tena koutou tena koutou katoa. Ko te tau 2021 tēnei. He tau uaua tēnei mo tātou katoa na te mea kei konei te ngānara a mate korona. Heoi ano, ka haere tonu te mahi whakaako, ako tamariki kia angitu rātou, kia tu maia rātou, kiā noho haumaru tātou katoa.
I tenei tau, kōtahi te akomanga rūmaki kei raro i te marumaru o tenei kura auraki o Sutton Park. Kei roto i te akomanga, nga tau ako mai i te Tau Ako 1-6. Ko ahau te kaiako. Ko Whaea Molly tōku ingoa. No Ngai Tuhoe ahau. Ko tōku hoa kaiawhina ko Whaea Uru. No Nga Puhi a ia. Ko Whaea Marie he kaitautoko i a mātou i roto i te Rūmaki Māori nei. No Ngā Puhi ano a ia.
I roto i tēni akomanga ka ako ngā tamariki ki te: Korero Māori, Whakamarama ki te reo Māori, Whakaaro Māori me te uru mai i ngā mahi ako, mahi o te ao Māori hoki.
Me ‘Poipoia te kakano kia puawai’ ahakoa no hea te tamaiti, ahakoa wai te tamaiti. Kia tu maia, kia angitu te tamaiti i roto i tēnei ao.
No reira, nau mai! Haere mai! Kuhu mai!
Ko ahau, Whaea Molly te kaiako o te akomanga 2.
Ko Molly Kutia tōku ingoa.
Ko Mataatua tōku waka. Ko Ngai Tuhoe tōku iwi.
Ko Whanau pani, Te Mahurehure, Tamakaimoana ratou ko Ngai Te Riu ōku hapu.
Ko Ohotu, Ko Te Rewarewa, Ko Piripari ratou ko Tatahoata ōku marae.
Ko ōku maunga ko nga maunga o Ngai Tūhoe.
Ko ōku awa ko nga awa o Ngai Tuhoe.
No reira, tena koutou, tena koutou, tena koutou katoa.
E tautoko ana maua ko o maua hoa, kai awhina i te reo Māori a Whaea Uru (Morunga)
Ko Uru Morunga toku ingoa.
Ko Ngatokimatawhaorua toku waka.
Ko Ngapuhi toku iwi.
Ko Te Mahurehure toku hapu.
Ko Tuhirangi, Otatara me Moehau oku Marae.
Ko Whakatere toku maunga.
Ko Waikaramihi, Waima me Moehau oku awa.
Tuihirangi Marae Otatara Marae Moehau Marae